دیگر نظریات سے قرآن کے مقایسہ کی روش کی اصلاح

تحریر: ڈاکٹر علی عباس نقوی

سورتوں اورآیتوں کےسلسلہ میں تجزیہ و تحلیل کےدوران ایک مشکل جوپیش آتی ہےاوریہ ممکن ہےکہ انسان اس مشکل کواچھی طرح محسوس بھی نہ کرسکےاوراس سےدوچاربھی رہےوہ قرآن سےاس کےفکری نظام کی تطبیق ہے۔
مثلاً: انسان کےبارےمیں سورہ بلدکی اس آیت سےکیاسمجھتےہیں؟
لَقَدْ خَلَقْنَا الْإِنْسَانَ فِي كَبَدٍ:ہم نےانسان کومحنت و مشقت میں رہنےوالابنایاہے۔
اگرجواب یہ ہو:
* میں نےاسلامی مدارس کی ایک بہت بڑی شخصیت سےسناہےان کی کتاب میں پڑھاہےکہ سختیاں اٹھاناانسان کی
طبیعت میں نہیں ہے۔اس لیےآیت کامطلب سختی اٹھاناتو ہرگز نہیں ہوسکتا۔
* انسان سختیاں اٹھانےکےلیےپیداکیاگیاہےجیساکہ دوسرےمکاتب فکربھی اس کی طرف اشارہ کرتےہیں
(جب کہ آیت رنج اٹھانےکےبارےمیں نہیں ہے)
ان مثالوں سےہم محسوس کرسکتےہیں کہ یہاں پرقرآن پڑھنےوالاقرآن کی بیان کردہ بات اورجوکچھ اس نےپہلےسےجان رکھا ہے سن رکھاہےیاپڑھ رکھاہےکےدرمیان موازنہ کررہاہےاوراسی موازنہ کی بنیادپرطےکررہاہےکہ کیاغلط ہےکیاصحیح ہے۔
جبکہ ہمیں چاہیےکہ جب ہم قرآن میں تدبرکریں اس کی آیات میں غورو فکرکریں تو سب سےپہلےمرحلہ میں ہم خودقرآن کی بات کو سمجھیں۔اس سےکسی دوسری بات جوسن رکھی ہےیاپڑھ رکھی ہےسےمقایسہ نہ کریں۔جب ہم قرآن کریم کامقصودسمجھ لیں تو پھراس کےبعداگرضرورت محسوس ہوتو دوسروں کےکلام کااس قرآن کریم سےمقایسہ کریں۔
اگرکوئی قرآن کوسننےسمجھنےسےپہلےہی دوسروں کےکلام کاقرآن سےمقایسہ کرےیااس سےارتباط کی راہیں تلاش کرےتو وہ بہت بڑی فکری غلطی کررہاہے۔
قرآن اورتفکرقرآن کی بارگاہ میں طہارت ذہنی کےساتھ کچھ حاصل کرنےکےلیےآنابےانتہاضروری ہےاس لیےذہن کاتزکیہ اوراس کی مکمل صفائی ضروری ہےاورجب انسان صحیح راہ سےبارگاہ قرآن میں آئےگاتو تفکرکےدروازےاس پرکھلیں گےاوراعجاز قرآن کےنئےنئےدریچہ اس کےذہن پر واہوں گے۔

قرآن سیکھنےمیں سب سےبڑی اوراہم رکاوٹ جلدبازی ہے۔جلدبازی کی خرابیوں میں سےایک خرابی یہ ہےکہ انسان کلام خدااورکلام غیرخداکوبغیرسمجھےہی آپس میں
مرتبط کرنےلگتاہے۔
بعض لوگ جیسےہی کسی آیت کامطالعہ کرتےہیں اس کےکسی ایک جملہ یالفظ یاکسی عبارت کودیکھتےہیں فوراً دوسرےنظریات کی طرف ان کاذہن منتقل ہوجاتا ہے جس کووہ اپنےگمان میں قرآن جیساسمجھتےہیں اورپھروہ اس آیت کواس نظریےسےجوڑنےلگتےہیں۔نتیجتاً میں پروردگار کےاصلی مقصدسےدورہوتےچلے جاتےہیں۔ یہ خطاکبھی سیکھتےوقت کبھی استنباط شدہ مطالب کولکھتےوقت تو کبھی مجموعی پیغام کی تنظیم و ترتیب کےوقت نظرآتی ہے۔
آیات اورسورہ کےمطالعہ کےوقت توجہ صرف قرآنی مطالب کی طرف مرکوز رہنی چاہیےاوراپنی فکری ہدایت کےلیےصرف قرآن کواپنا ہادی اوررہنمابنانا چاہیے اور خودقرآن سےہی استخراج مطالب کی کوشش کرنی چاہیے۔
انسان اس طرح سےخلق ہواہےکہ اس کےاختیاری اعمال اس کےمجموعی افکارکاحاصل ہوتےہیں اوراس لیےانسان کےافکارہی اس کےاعمال کامقدمہ بنتےہیں اگرافکارمیں ذرہ برابربھی نقص ہواتو اعمال میں اس نقص کی جھلک دیکھنےکوملےگی،اس لیےاعمال صالحہ کےلیےافکارصالحہ کی ضرورت ہے۔
اورافکارکی صحت کےلیےقرآن مجیدبہترین مرجع ہے،اس لیےقرآن کی طرف رجوع کرنےسےپہلےذہن کاادھرادھرکی بڑی چھوٹی تمام باتوں سےخالی ہونا ضروری ہےاورخانہ ذہن میں صرف قرآن کریم کی آیات کاچراغ جلانالازمی ہے۔
ان باتوں سےفکری تصفیہ کی اہمیت سمجھ میں آتی ہے۔ذہن کومذکورہ مقایسہ سےمحفوظ رکھنےکی ضرورت واضح ہوتی ہے۔ذہن کواس بےجاموازنہ کی آفت سےمحفوظ رکھنےکے لیے ہمیں دو کام کرناہوں گے۔
ایک : دامن ذہن کوآیات کےسلسلہ میں تمام سنےسنائےفریضہ سےپاک و صاف کرنا۔
دوسرا: ہرروز خودکوزیادہ سےزیادہ قرآن کےمخصوص لہجےاورانوکھےانداز بیان سےنزدیک کریں۔
۱۔ غیرمناسب مفروضوں سےذہن کو خالی کرنا
جب انسان اپنےذہن کوپہلےسےہی دوسرےبہت سے مفروضوں کی آماجگاہ بناکےقرآن کی بارگاہ میں آتاہےتو اکثرایساہوتاہےکہ وہ اپنی سمجھ اوران مفروضوں کوقرآن کانام دےدیتاہے۔
اس آفت سےبچنےکےلیےقرآن کےحضورخالص ہوکرآناہوگاتدبرکےلیےہمیں اپنےذہن کوہرطرح کی تقاریر،نظریات، مفروضوں اورکتابوں وغیرہ سےخالی کرکےقرآن کےمفاہیم کےحوالےکردیناہوگا۔
ہمیں قرآن پراطمینان اوریقین ہوناچاہیےاوریہ چیز ہمیں کلام خداکوسمجھنےمیں مدددیتی ہے۔اس یقین اوراطمینان کےسبب انسان غلطی سےبھی دوسرےنظریات کو قرآن پرترجیح دینےسےبچ جاتاہے۔اس موضوع پرہم گزشتہ فصل میں گفتگو کرچکےہیں۔
۲۔ کلمات قرآن کریم کےحروف سےآشنائی
ہرمتن کچھ کلمات سےتشکیل پاتاہےاوراس متن کولکھنےوالاان کلمات کواپنی علمی سطح کےاعتبارسےانتخاب کرتاہے۔متکلم یامصنف اپنےعلم کےاعتبارسےجتنا جتنا بلند ہوتاجائےگااس کےکلمات کےانتخاب میں پختگی آتی جائےگی۔
واضح ہےکہ قرآنی متن کےبارےمیں یہ بات اپناکامل ترین مصداق رکھتی ہے۔چنانچہ قرآنی عبارتوں کاموجدلامتناہی علم و حکمت والا ہے۔اس کےمنتخب کردہ کلمے اور جملے کاکوئی متبادل قابل تصورنہیں۔دوسراکوئی بھی متن اس سےموازنہ کےلائق نہیں ہے۔اس بنیادپرقرآن کاہرکلمہ اپناممتاز انداز رکھتاہےاورقرآن مخصوص ہےجس کوسمجھناپہچانناضروری ہے۔اس راہ میں خودقرآن ہی اپنےالفاظ کی بہترین وضاحت وتشریح کرنےوالاہے۔قرآن کااپنایہ خاص طریقہ عربی لغت،خودقرآن کریم اورکبھی کبھی روایات کی روشنی میں سمجھاجاتاہے۔اس لیےلازم ہےکہ لغت سےرجوع کےساتھ ساتھ قرآن کامسلسل مطالعہ کیاجائےتاکہ قرآن میں اس لفظ کےزیادہ غالب معنی کوحاصل کیاجاسکے۔اس سلسلہ میں کسی استاد سےمددلی جاسکتی ہے۔
کلمات کےمخصوص معنی کی طرف توجہ،انسان کوکلمات کی ترکیب کےذریعہ پیداہونےوالےخاص معنی اورتعبیرتک پہنچاسکتی ہےاور ان تعبیرات اوراصطلاحات کاعلم آیات میں مسلسل تفکراورباربارقرآن کریم کی طرف رجوع سےحاصل ہوتاہے۔
۳۔ قرآنی موضوعات کےباطنی رابطہ پرتوجہ

قرآن میں متعددموضوعات بیان ہوئےہیں اوران کےدرمیان باہمی رابطہ وتعلق کاایک وسیع سلسلہ ہےان تک رسائی صرف اور صرف ایک ہی صورت میں ممکن ہےاوروہ ہےقرآن کریم سےانس و لگاؤ۔قرآن سےمانوس ہونےکےبعدہی انسان موضوعات قرآن کےدرمیان موجودنظم کاعرفان حاصل کرسکتاہے۔
موضوعات کےدرمیان پایاجانےوالایہ نظم کوئی پیچیدہ یامبہم چیز نہیں ہےبلکہ اس نظم کواس لیےرکھاگیاہےتاکہ موضوعات کے بارےمیں ایساصحیح اورکامل علم حاصل کیاجاسکےجس کومیدان عمل میں بھی اپنایاجاسکے۔اگرایسانہ ہوتو زندگی کےمسائل ان موضوعات سےمتعلق نہیں ہوسکیں گے اورنہ ہی کسی مسئلہ کےسلسلہ میں کوکامل بات کہی جاسکتی ہےاورنہ ہی بہترطریقہ سےعمل کیاجاسکتاہے۔
۴ ۔ ایک سورہ اوردوسری تمام سورتوں میں کسی ایک موضوع پرتوجہ
بعض لوگوں کامانناہےکہ قرآن کاکوئی بھی چھوٹاساحصہ پڑھناانسان کی زندگی کی اصلاح کےلیےکافی ہے۔یہ بات اگرچہ عظمت قرآن پرنگاہ کرتےہوئےصحیح ہےاوربہت سےلوگ ایسے ہیںجنھوں نےاس طرح سےہدایت پائی بھی ہےاورسعادت ابدی تک رسائی بھی حاصل کی ہےلیکن اگراس کےمعنی یہ ہیں کہ انسان قرآن کےدیگرتمام حصوں سےبےنیاز ہوجاتاہےتو یہ بات بالکل غلط ہےکیونکہ ایساانسان جس نےقرآن کےایک حصہ کوپڑھااورہدایت حاصل کی ابھی بھی دوسری ان تمام ہدایات و کمالات سےمحروم ہےجس کوپروردگارنےقرآن کریم کےدوسرےتمام حصوں میں رکھاہے۔پروردگارعالم نےقرآن کوایک مکمل کتاب کی شکل میں بھیجاہےاس کی تمام آیتیں،ساری سورتیں مجموعاًایسےعلم کی حامل ہیں جس پرعمل سےانسانی زندگی سنورتی ہے۔اس لیےقرآن کریم کی کسی ایک آیت،کسی ایک سورہ میں یاکسی ایک موضوع پرغورو فکرکرنےاوربقیہ سےبےتوجہ رہ کرانسان اپنی حقیقی ضرورتوں،ان تک رسائی کے راستوں بلکہ کسی ایک موضوع کی بھی کامل معرفت حاصل نہیں کرسکتاہے۔
خداوندعالم نےبعض موضوعات کومختلف سورتوں میں الگ الگ انداز بیان میں واضح کیاہےاوراس طرح وہ موضوع کامل طور پر دقیق اورگہرائی سےبیان کیاگیاہے۔اس لیےکسی ایک سورہ میں کسی ایک موضوع پرغورو فکرکرنااوربقیہ سورتوں سےخودکوبےنیاز سمجھناانحراف کاسبب بھی بن سکتاہے۔
۵۔ موازنہ سےنئےموضوع کومکمل سمجھنا
کبھی کبھی علمی گفتگو اورخاص طورپرنظری بحثوں میں اس بات کی ضرورت محسوس ہوتی ہےکہ کسی موضوع کےمتعلق جوکچھ قرآن نےبیان کیاہےاسےکسی ایک خاص مکتب فکریاکسی شخص کےتناظرمیں دیکھاجائےاورموازنہ کیاجائےلیکن یہ موازنہ اسی وقت انجام دیناچاہیےجب اس موضوع کوپورےقرآن سےاچھی طرح سمجھ لیاجائے۔
۶۔ قرآن کےمخصوص اسلوب بیان کوسمجھنےکےلیےایک مجوزہ لائحہ عمل
قرآن سےدائمی انس،قرآن میں باربارتدبرکرنےسےحاصل ہوسکتاہے،مطالعات قرآنی کےعمیق مطالعہ کےلیےایک معین اور مسلسل لائحہ عمل کاہوناضروری ہے۔
تدبرقرآن کی تعلیم دینےوالی کتابوں کےمطالعہ کےدوران مندرجہ ذیل طریقوں کواپناکرانسان اپنی زندگی کےمختلف موضوعات کےمتعلق قرآنی نظریہ کواخذ کرسکتاہےاوراچھی طرح سمجھ سکتاہے۔
۱۔ اپنی زندگی میں مطالعہ قرآن کی عادت:ہرمسلمان کوچاہیےکہ وہ قرآن سےانس کواپنی زندگی کاجزء قراردے،مطالعہ قرآن کی ابتدائی کتاب میں اس کی صحیح راہ و روش بیان کی گئی ہیں۔
۲۔ سورہ کےمطالب ومضمون کوسمجھنےاوراس کےپس منظرکے صحیح تجزیہ نیز اپنےذہنی مفروضوں سےبچنےکاطریقہ : اس موضوع کےمتعلق جلددوم کی پانچویں اورچھٹےسبق میں تفکرکی صحیح راہ و روش کوبیان کیاگیاہے۔
۳۔ مفردات اورالفاظ قرآن کاگہرامطالعہ تاکہ قرآن کےمطالب پرگہرائی سےنظرکی جاسکےبالخصوص سورتوں میں انکاخاص معنی اور استعمال۔
۴۔ قرآنی موضوعات کی خصوصیات اورباریکیوں کوسمجھنےکےلیےسورتوں کاتفصیلی مطالعہ: تدبرکی راہ و روش سکھانے والی کتب کےمطالعہ کےدوران بہت سےسورتوں کاگہرامطالعہ انجام پاجاتاہے،جس کےنتیجہ میں دوسری سورتوں کےصحیح اوردقیق مطالعہ کی روش سمجھ میں آجاتی ہے۔
۵۔ قرآنی سورتوں کےذریعہ اسلامی عقائدتک رسائی: تدبرکی راہ و روش سکھانے والی کتب کےمطالعہ کےدوران سورتوں میں بیان شدہ موضوعات کی بنیادپرقرآن و عترت کی بتائی ہوئی توحید،ہستی شناسی،انسان شناسی،اورجامعہ شناسی کےمبانی کامطالعہ بھی ہوجاتاہے۔بہت سےلوگوں کودیکھا گیا ہے کہ وہ
ان موضوعات کی تعریف کہیں اورسےبیان کرتےہیں اوران کواسلامی عقائدکاعنوان دےدیتےہیں حالانکہ قرآن ان بنیادی عقائدکو بیان کرنےکاحقیقی اورسب سےبہترین منبع و مصدرہے۔قرآن کاہرسورہ اپنےموضوعات کی تشریح و توضیح کےساتھ ہم کوان صحیح عقائدسے آشنا کرتا جاتا ہے جن پرایمان لاناہرمسلمان پرلازم ہے۔
۶۔ قرآنی ابواب کاتفسیری مطالعہ :آیات کےبارےمیں صحیح اورغلط نتیجہ کی تفہیم و تشخیص اورقرآن کاایک جامع تجزیاتی نقطہ نظرحاصل کرنےکےلیے تفسیر المیزان کا مطالعہ کافی مفیدثابت ہوسکتاہے۔
حضرت علامہ طباطبائی رحمۃ اللہ علیہ نےتفسیری گفتگو کےدوران اسلام کےبنیادی نظریات کےبارےمیں قرآنی نقطہ نظرسےبحث کی ہے۔اگرکوئی اس کاعمیق مطالعہ کرےتو قرآن اوردین شناسی کےمیدان میں تحلیل و تجزیہ کی زبردست صلاحیت حاصل کر سکتاہے۔ تدبرقرآن کےطریقوں کی کتب میں مطالعہ کرنےوالےان موضوعات سےواقف ہوتےجاتےہیں جن پرعلامہ نےاپنی تفسیرمیں گفتگو کی ہے۔وقت گزرنےکےساتھ ان مطالب پرعبورحاصل ہوتاجاتاہے۔ان موضوعات پرتسلط کےلیےمسلسل اورمنظم مطالعہ کی ضرورت ہے۔