محسنین کی خدمات کا تذکرہ، دوسروں کے لیے مثال بنتا ہے۔ بعض لوگوں کو ایسی لابی میسر آجاتی ہے کہ وہ انہیں یاد رکھتی ہے اور بہت سے نیک لوگ ایسی سہولت میسر نہ آنے کی وجہ سے گمنامی کے اندھیروں میں چھپ جاتے ہیں۔ بعض کو تعصب کی وجہ سے نظر انداز کر دیا جاتا ہے۔ بعض کے اپنے ہی اتنے لاپرواہ اور لاعلم ہوتے ہیں کہ اپنے ہیروز کو پہچان نہیں پاتے یا انہیں شعور نہیں ہوتا کہ جس منزل پر وہ پہنچے ہیں، ان کی بنیادیں کتنی گہری ہیں یا کتنوں کی محنتیں یا زحمتیں یا خون اس میں شامل ہے۔ ایسی ہی ایک ہمارے حلقوں میں غیر معروف شخصیت حاجی محمد محسن اصفہانی کی ہے، جو 1732ء میں پیدا ہوئے اور 1812ء میں خاک نشین ہوگے۔ ھوگلی امام بارگاہ چن سورہ میں آسودہ خاک ہیں۔ انہوں نے اپنی پوری جائیداد مذہب، تعلیم اور فلاح و بہبود کے لیے وقف کر دی۔