اموی شام کا صلیبی لشکر اور سماج(1)

بعثت رسول اکرم ؐ سے قبل شام نہ فقط تجارتی بلکہ علمی، فکری اور سیاسی مرکز بھی تھا، جہاں سریانی اور یونانی زبان بولی جاتی تھی۔ یہ بازنطینی ریاست کا سرحدی صوبہ تھا، جہاں مختلف مسیحی عرب قبائل اور دیگر اقوام آباد تھیں۔ شام 64 قبل مسیح میں رومن سلطنت کا حصہ بنا۔ Kennedy, David L. (January 2006) اپنے مقالے بعنوان "شام میں آبادی اور ڈیموگرافی” میں تحریر کرتے ہیں کہ پہلی صدی عیسوی میں پوری سرزمینِ شام (لیوانٹ) کی آبادی کے تخمینے 35 سے 40 لاکھ سے لے کر 60 لاکھ کے درمیان ہیں۔ مسلمانوں کی بازنطینی ریاست کے اس صوبے اور بالخصوص عرب مسیحی قبیلے بنی غسان سے مڈبھیڑ کا آغاز رسول اکرم ؐ کی زندگی میں ہوچکا تھا، جو خلفائے ثلاثہ کے ادوار میں جاری رہا۔ 640 عیسوی میں خلیفہ ثانی نے بنی امیہ کی معروف شخصیت ابو سفیان کے فرزند کو شام کا گورنر مقرر کیا، یوں شام میں بنی امیہ کے اقتدار کا آغاز ہوا۔

یمن میں بنی فاطمہ کے اقتدار کا چوتھا دور

یمن کل 21 صوبوں (محافظات) اور ایک دارالحکومت کے خصوصی ضلع (أمانة العاصمة) پر مشتمل ہے۔ زمینی کنٹرول کے اعتبار سے یمن اس وقت دو اہم حصوں میں بٹا ہوا ہے۔ حوثیوں (انصار اللہ) کے پاس ملک کے کل رقبے کا تقریباً 30 سے 35 فیصد علاقہ ہے، لیکن اس علاقے میں یمن کی کل آبادی کا تقریباً 70 سے 80 فیصد حصہ آباد ہے۔صنعاء، صعدہ، عمران، ذمار، محویت، ریمہ، اب، بیضاء، حدیدہ، حجہ پر حوثیوں کا مکمل کنڑول ہے۔ حال ہی میں تعز، الجوف، مارب میں حوثیوں نے پیشرفت کی ہے۔ ان کی افواج گذشتہ اڑتالیس گھنٹوں میں باب المندب کی اہم بندرگاہ تک پہنچ چکی ہیں۔ عدن، لحج، ابین، الضالع، شبوہ، حضرموت، المہرہ، سقطری پر حوثیوں کا کنڑول نہیں ہے، تاہم عدن، لحج کے علاوہ تمام علاقے صحرائی علاقے ہیں، جہاں آبادی نہ ہونے کے برابر ہے۔

چھے ماہ کی مزاحمت بمقابلہ اسی سالہ حکمت عملی

اس امر پر جتنا افسوس کیا جائے کم ہے کہ دنیا میں بسنے والی ایک دینی رشتے میں بندھی ہوئی مسلم آبادی کا سیاسی بیانیہ افتراق کا شکار رہا ہے۔ قومیتوں، نسلوں کی بنیاد پر تشکیل پانے والی مسلمان ریاستیں واضح دینی تعلیمات کے باوجود اپنی عصبیتوں سے نہ نکل سکیں۔ پہلی جنگِ عظیم کے بعد دینی رشتے اور مرکزی حکومت پر عرب قوم پرستی کو ترجیح دی گئی، جس کے نتیجے میں "سائیکس پیکو معاہدے” (Sykes-Picot Agreement) کے تحت پوری عثمانی ریاست چھوٹے چھوٹے قومی اور لسانی ٹکڑوں میں بٹ گئی۔ نفسا نفسی کا یہ عالم ہے کہ ہر حکومت کو اپنے اقتدار کا غم کھائے جاتا ہے۔ اکثر ممالک میں آمریت، بادشاہت کا دور دورہ ہے، مقتدر افراد اپنے ہی لوگوں کو فتح کرنے کو اپنی کامیابی سمجھتے ہیں۔ اپنے اقتدار کے تحفظ کے لیے امت کے وسائل کو بے دریغ لٹایا جارہا ہے۔ امریکہ کی خوشنودی حاصل کرنے کے لیے کبھی اربوں ڈالر کی سرمایہ کاری کرتے ہیں، کبھی جہاز تحفے میں دیتے ہیں کبھی ناموس کو ان کے سامنے نچاتے ہیں تاکہ صاحب بہادر خوش ہو جائیں۔

اکیسویں صدی امریکی جارحیتوں کا موازنہ

امریکہ اور اسرائیل کو بخوبی اندازہ ہو چکا ہے کہ ایران افغانستان، عراق یا لیبیا نہیں ہے۔ حملوں کی ابتدائی لہر کے موازنہ سے اچھی طرح اندازہ ہوتا ہے کہ مذکورہ بالا ممالک سے کئی گنا زیادہ بمباری کے باوجود امریکہ و اسرائیل اپنے بنیادی اہداف تک نہ پہنچ سکے۔ اس استقامت نے نظام کی گہرائی، تحمل اور وسعت کو دنیا کے سامنے عیاں کر دیا ہے۔ ایران نے میدان جنگ کو آبی گزرگاہوں، تیل کی ترسیل کے نظام، عالمی معیشت تک وسعت دے دی ہے۔ اب امریکہ کے پاس چارہ نہیں کہ وہ اپنے بنیادی اہداف کے بجائے ان ثانوی مفادات کا تحفظ کرے۔ خطے میں اس کی ساکھ، سیکورٹی انفراسٹرکچر، معاشی سرگرمیاں سب درہم برہم ہو چکی ہیں۔ اسرائیل خوفزدہ ہے کہ اگر امریکہ اس جنگ کو ناتمام چھوڑ کر جاتا ہے تو اسے ایران کا تنہا سامنا کرنا ہوگا۔ مقاومتی گروہ تمام تر حملوں اور نقصانات کے باوجود عزم و ہمت کے ساتھ کھڑے ہیں اور اگر جنگ کا دائرہ وسیع ہوتا ہے تو امریکہ، اسرائیل اور امریکی اتحادیوں کو اس کی بہت بڑی قیمت ادا کرنی پڑ سکتی ہے۔

آنحضرتؐ پر نزول وحی کی کیفیت

یہ مقالہ حضرت محمد مصطفیٰ صلی اللہ علیہ وآلہ وسلم پر نزولِ وحی کی کیفیات، اس کی ماہیت اور اس سے مربوط علمی و روائی مباحث کا جامع جائزہ پیش کرتا ہے۔ مقالہ نگار کے مطابق نزولِ وحی کی بنيادی طور پر دو کیفیات تھیں؛ ایک کیفیّت فرشتے کے کسی مادی وجود میں متمثل ہوئے بغیر (یا بالواسطہ خدا کی طرف سے) وحی کا اترنا تھی جو گھنٹی کی آواز کی طرح شدید، کیفیّت کے لحاظ سے گراں بار اور جسمِ مبارک پر بے ہوشی و پسینہ جاری ہونے کی صورت میں ظاہر ہوتی تھی، جبکہ دوسری صورت فرشتے کا ایک انسان (مرد) کی شکل میں متمثل ہو کر کلام کرنا تھی جو نسبتاً آسان حالت ہوتی تھی۔ امام جعفر صادق ؑ، امام خمینی، اور استاد حسن زادہ آملی جیسے علمائے کرام کے تجزیے کے مطابق عالمِ غیب اور حقیقتِ مجرد کے اس مستقیم رابطے، قرآنی معارف کے "قولِ ثقیل” (عظیم و باوقار کلام) ہونے اور نبوت کی بھاری ذمہ داریوں کے باعث آپ ؐ پر یہ ثقالت طاری ہوتی تھی۔ مقالے میں اس بات کی بھی صراحت کی گئی ہے کہ اگرچہ سچے خواب نبوت کا ایک جزو ہیں اور تمام انبیاء پر وحی کا بنیادی جوہر ایک ہی رہا ہے، تاہم پورا قرآن مجید بیداری کے عالم میں نازل ہوا اور یہ عالمِ مادہ کا عالمِ مجرد کے ساتھ قائم ہونے والا بلند ترین اور کامل ترین روحانی رابطہ تھا۔

اعضا کا عطیہ اورپیوندکاری شیعہ نقطۂ نظر

یہ مقالہ اعضا کا عطیہ (Organ Donation) اور پیوند کاری (Transplantation) کے حوالے سے شیعہ فقہی نقطۂ نظر، اس کے تاریخی ارتقا اور عصری مجتہدین کے فتاویٰ کا تفصیلی جائزہ پیش کرتا ہے۔ شیعہ فقہ میں اجتہاد کا باب کھلا رہنے اور زمان و مکان کی تبدیلی کے ساتھ احکام کے بدلنے کے اصلِ زریں کی روشنی میں یہ بات واضح کی گئی ہے کہ طبی سائنس کی ترقی کے ساتھ ساتھ اعضا کی پیوند کاری اور خون کے عطیے جیسے مسائل میں کس طرح پیش رفت ہوئی ہے۔ مقالے کے مطابق جب کسی چیز کی اجتماعی کارکردگی یا حلال منفعت بدل جاتی ہے (جیسے انسانی جان بچانے کے لیے خون یا اعضا کا استعمال)، تو فقہاء کے ہاں اس کا شرعی حکم بھی حرمت سے جواز میں تبدیل ہو جاتا ہے۔
معاصر شیعہ مراجع—جن میں امام خمینی، آیت اللہ خوئی، آیت اللہ خامنہ ای اور آیت اللہ یوسف صانعی شامل ہیں—کی اکثریت اس بات پر متفق ہے کہ کسی مسلمان یا انسان کی جان بچانے کی خاطر دماغی موت (Brain Death) کے بعد یا کسی زندہ انسان کی طرف سے (بشرطیکہ عطیہ دہندہ کو کوئی شدید جانی یا قابلِ لحاظ جسمانی نقصان نہ پہنچے) اعضا کا عطیہ دینا اور پیوند کاری کرنا شرعاً جائز ہے۔ اگرچہ چند فقہا (جیسے آیت اللہ جواد تبریزی) نے اس عمل پر احتیاط یا دیت کی شرط عائد کی ہے، تاہم مجموعی طور پر شیعہ علمی و فقہی حلقوں کا رجحان انسانی زندگی کی حفاظت کو مقدم رکھتے ہوئے اعضا کے عطیے اور پیوند کاری کو جائز اور مستحسن قرار دینے کی طرف ہے۔

قضیہ یمن، ایک جائزہ اور تازہ صورتحال

یمن جزیرہ عرب کے جنوب میں قائم دوسری بڑی ریاست ہے، جس کا رقبہ 5,27970 مربع کلومیٹر پر مشتمل ہے۔ اس ریاست کی صحرائی پٹی تقریباً 2000 کلومیڑ پر پھیلی ہوئی ہے، جس کے جنوب میں بحیرہ عرب، شمال میں سعودی عرب، مغرب میں بحیرہ احمر، خلیج عدن جبکہ مشرق میں عمان ہے۔ اس ریاست کے تقریباً 200 کے قریب چھوٹے جزائر ہیں۔ یمن او آئی سی، اقوام متحدہ اور عرب لیگ کا رکن ہے۔ قرآن کریم میں مذکور ملکہ صبا کا تعلق اسی سرزمین سے تھا، جو ایک قدیم تہذیب ہے۔ ابرہہ کا لشکر بھی یمن کی جانب سے سرزمین حجاز پر حملہ آور ہوا۔ اس خطے میں اسلام رسالت ماب ؐ علیہ وآلہ وسلم کے دور سے ہی پھیلنا شروع ہوگیا تھا۔ یمنی تاجر اور بیت اللہ کے زائرین رسالت ماب کی بعثت سے آگاہ ہوئے تو انھوں نے اس نئے دین کے بارے میں جاننا شروع کیا، یمن میں دین اسلام کی پذیرائی کو دیکھتے ہوئے رسالت ماب ؐ نے بہت سے صحابہ کو یمن میں تعینات کیا، جن میں امیر المومنین علی ابن ابی طالب علیہ السلام، معاذ بن جبل، مہاجر بن ابی امیہ، عکاشہ بن ثور، ابو موسیٰ اشعری، خالد بن ولید، عمرو بن حزم انصاری، طاہر بن ابی ھالہ، عامر بن شہر رضوان اللہ علیہم شامل ہیں۔

صادق آل محمدؐ

اسلامی تاریخ اور فکر میں امام جعفر صادق علیہ السلام کی ذاتِ والاصفات علم و حکمت کا وہ بحرِ زخار ہے جس نے نہ صرف اسلامی فکر و فقہ کو جلا بخشی بلکہ عالمِ انسانیت کو سائنسی و عقلی علوم کے بے بہا خزانوں سے بھی نوازا۔ تاہم، عمومی ذہنوں میں آپؑ کی شخصیت کو اکثر صرف ایک خاص فقہی یا مذہبی دائرے تک محدود کر کے دیکھا جاتا ہے، حالانکہ تاریخی حقائق اور سائنسی شواہد اس بات کے گواہ ہیں کہ آپؑ کی علمی سرپرستی کا دائرہ تمام مروجہ و غیر مروجہ علوم پر محیط تھا۔
زیرِ نظر مقالہ "صادق آلِ محمدؐ”، معروف محقق و مصنف سید اسد عباس کا ایک تحلیلی اور بصیرت افروز قلمی کاوش ہے جس میں انہوں نے امام جعفر صادق علیہ السلام کی ہمہ گیر علمی، سائنسی اور معنوی شخصیت کو پیش کیا ہے۔
مصنف نے علامہ شبلی نعمانی، ڈاکٹر محسن نقوی، ابن خلکان اور امام ابو حنیفہ جیسے جلیل القدر علمائے اسلام کے ساتھ ساتھ مغربی مستشرقین اور سائنسدانوں کے اعترافات (جیسے فرانسیسی جامعہ کی تحقیق "سپر برین ان اسلام”) کو شواہد کے طور پر پیش کیا ہے۔ تحریر کا بنیادی مقصد یہ اجاگر کرنا ہے کہ بابائے کیمیا جابر بن حیان جیسے جلیل القدر سائنسدانوں کے استاد، امام جعفر صادق علیہ السلام دراصل "معلمِ انسانیت” اور انوارِ نبوت کے وہ وارث ہیں جن کا علم کسی دنیاوی استاد کا مرہونِ منت نہیں بلکہ بارگاہِ الٰہی کا عطیہ تھا۔

واقعہ مباہلہ :ہادی، ہدایت اور روش حق

اسلام کا بنیادی پیغام امن، رواداری، احترامِ انسانیت اور معقولیت پر مبنی ہے۔ تاریخِ اسلام اس بات کی شاہد ہے کہ دینِ مبین کی اشاعت کا اصل سبب تلوار کا زور نہیں بلکہ اس کی اخلاقی برتری، اعلیٰ کردار اور حسنِ تعامل تھا۔ اسی سلسلے کا ایک روشن اور عالمگیر باب "واقعہِ مباہلہ” ہے، جو ۹ ہجری میں نجران کے مسیحی وفد اور رسولِ اکرم ﷺ کے مابین پیش آیا۔
زیرِ نظر مقالہ "واقعہ مباہلہ: ہادی، ہدایت اور روشِ حق”، معروف محقق و قلمکار سید اسد عباس کا ایک بصیرت افروز اور علمی کاوش ہے جس میں انہوں نے نجران کے مسیحیوں کے ساتھ رسولِ خدا ﷺ کے مناظرے، رویے اور معاہدہِ صلح کے سیاسی و سماجی پہلوؤں کا احاطہ کیا ہے۔
مصنف نے مقالے میں یہ بات واضح کی ہے کہ میدانِ مباہلہ میں پنجتنِ پاک (رسولِ اکرم ﷺ، حضرت علیؑ، حضرت فاطمہؑ، اور حسنین کریمینؑ) کا ورود جہاں اس خانوادے کی بے نظیر معنوی اور الٰہی فضیلت کو آشکار کرتا ہے، وہاں یہ واقعہ عصرِ حاضر میں گفتگو، بین المذاہب مکالمے (Interfaith Dialogue) اور پرامن بقائے باہمی کا ایک بہترین نمونہ بھی پیش کرتا ہے۔ مصنف نے برصغیر کے مفسرین کے نقطہ ہائے نظر کا جائزہ لیتے ہوئے اس بات پر زور دیا ہے کہ اگر آج بھی امتِ مسلمہ شدت پسندی اور انتہا پسندی کے دلدل سے نکلنا چاہتی ہے تو اسے واقعہِ مباہلہ میں موجود ہدایت اور "روشِ حق” کو اپنا مشعلِ راہ بنانا ہوگا۔

شان سرورؐ بزبان حیدرؑ

بارگاہِ رسالت مآب ﷺ کی عظمت و رفعت کو سمجھنے کے لیے ہر دور میں محدثین، مفکرین اور قلمکاروں نے اپنے اپنے انداز میں خراجِ تحسین پیش کیا ہے۔ تاہم، کسی ہستی کی حقیقی معرفت اور شان کا صحیح ادراک وہی شخصیت کرا سکتی ہے جو خود اس کی تربیت گاہ کی پروردہ ہو اور جس نے بچپن سے لے کر ظاہری حیات کے آخری لمحات تک اس کا قرب حاصل کیا ہو۔ سید الانبیاء حضرت محمد مصطفیٰ ﷺ کی ذاتِ والاصفات کی شناسا ترین اور اقرب ترین شخصیت امیر المؤمنین حضرت علی ابن ابی طالب علیہ السلام کی ہے۔
زیرِ نظر مقالہ "شانِ سرورؐ بزبانِ حیدرؑ”، معروف محقق و مصنف سید اسد عباس کی ایک ایسی علمی و فکری کاوش ہے جس میں انھوں نے نہج البلاغہ اور کلامِ امیر المؤمنینؑ کو محور بناتے ہوئے رسالت مآب ﷺ کے مقام، بعثت کے مقاصد، آپؐ کے اخلاق و شجاعت اور عظمتِ خانوادگی کو پیش کیا ہے۔
مضمون نگار نے نہج البلاغہ کے مختلف خطبات سے اقتباسات اور ان کے تراجم کو پیش کرتے ہوئے یہ ثابت کیا ہے کہ حضرت علی علیہ السلام نے اپنے کلام میں حضور اکرم ﷺ کو ایک الٰہی تسلسلِ نبوت، معیارِ حق اور مجسمہِ اخلاق و استقامت کے طور پر متعارف کرایا ہے۔ یہ مقالہ قارئین کو یہ دعوتِ فکر دیتا ہے کہ اگر ہم سرورِ عالم ﷺ کی حقیقی معرفت اور عشقِ رسولؐ سے اپنے قلوب کو منور کرنا چاہتے ہیں، تو اس کا بہترین اور مستند ذریعہ "نفسِ رسولؐ” یعنی حضرت علی علیہ السلام کے ارشادات اور افکار پر غوروخوض کرنا ہے۔

فاطمہؑ کا گھرانہ

اسلامی تاریخ اور فکر میں خانوادہِ وحی و رسالت کو ایک مرکزی اور ممتاز مقام حاصل ہے۔ یہ گھرانہ محض چند افراد کے اجتماعی وجود کا نام نہیں، بلکہ بارگاہِ الٰہی سے منتخب کردہ وہ پاکیزہ مکتب ہے جس کی پرورش خود رسولِ اکرم ﷺ کی آغوشِ تربیت میں ہوئی۔ زیرِ نظر مضمون "فاطمہؑ کا گھرانہ”، مصنف سید اسد عباس کا ایک علمی و تحلیلی کاوش ہے جس میں انہوں نے امیر المؤمنین حضرت علی علیہ السلام اور سیدۃ النساء العالمین حضرت فاطمہ زہرا علیہا السلام کے مقدس خانوادے کی دینی، تاریخی اور معنوی منزلت کو پیش کیا ہے۔

مضمون نگار نے نہج البلاغہ کے خطبات، فریقین کی معتبر کتبِ احادیث اور مسلمہ تاریخی شواہد کی روشنی میں یہ واضح کرنے کی کوشش کی ہے کہ پیغمبرِ اسلام ﷺ کا حضرت علیؑ اور سیدہ فاطمہؑ سے تعلق محض ایک روایتی پدری یا خاندانی محبت تک محدود نہ تھا، بلکہ یہ ایک الٰہی حسنِ ترتیب اور بصیرت پر مبنی رویہ تھا جو بقائے دین اور حفاظتِ اسلام کی بنیاد بنا۔

اس تحریر کا بنیادی محور یہ سمجھانا ہے کہ اس گھرانے کی تعظیم، ان کی مرضی کو مرضیِ الٰہی قرار دینا، اور ان کی محبت کو فرض قرار دینا دراصل امتِ مسلمہ کو ہدایت کے حقیقی اور غیر متزلزل مرکز سے منسلک رکھنا تھا۔ مصنف نے تاریخی تعصبات اور غیر ضروری مناقشات سے ہٹ کر اس حقیقت کو اجاگر کیا ہے کہ خانوادہِ عصمت و طہارت ہی ہر دور میں معیارِ حق اور دینِ خدا کا حقیقی مدافع رہا ہے۔

روسی ٹوپولیو فضائی کمانڈ کی ایران تعیناتی

مشرق وسطیٰ کے جنگ کے اس الاؤ میں متعدد کردار بالخصوص اسرائیل اپنے حصے کی لکڑیاں ڈال رہا ہے۔ امریکی نائب صدر جے ڈی وینس کا کہنا ہے کہ اسلام آباد مفاہمی قرارداد کو سبوتاژ کرنے کیلئے اسرائیل نے پیسہ پانی کی مانند بہایا ہے اور لابنگ بھی کی ہے۔ اسرائیلی اسوقت امریکی نائب صدر کو ناپسندیدہ شخصیت قرار دے رہے ہیں، تاہم ٹرمپ انکے اشاروں پر مسلسل ناچ رہا ہے۔ روس کے پاس جنگ میں خاطر خواہ دخالت کے بغیر یوکرین جنگ کا بدلہ لینے نیز جنگ کے حامیوں اور سرپرستوں کو دھول چٹانے کا بہترین موقع موجود ہے۔ پاکستان اور چین کی خواہش ہے کہ معاملات کو گفت و شنید کے ذریعے حل کیا جائے۔ عرب ریاستوں کو سمجھ نہیں آرہی کہ مال بچائیں یا ملک۔

1
2
3
…
41
اگلا »