سوموار, 02 مارچ 2020 07:25




کب کہا میں نے کہ مینار کلیسائی دے
بانٹنے والے مجھے فیضِ مسیحائی دے

 

اک ذرا نگہِ کرم! چشم تماشائی دے
دلِ صحرائی کو پھر بارشِ رعنائی دے

مانگتا ہے جو، اسے دہر کی دانش دے دے
جو تجھے دیکھے فقط‘ مجھکو وہ بینائی دے

خواب دے ایسا کہ آنکھوں سے چرا لے نیندیں
درد ایسا جو مجھے شب کی شناسائی دے

میرے دل کے لیے دن رات تڑپنا لکھ دے
اک یہی مجھ کو تُو انعامِ شکیبائی دے

تُو مجھے اپنے حسیں چہرے کا دیوانہ کہے
میرے دامن میں بھلے دہر کی رسوائی دے


* * * * * 

Read 45 times